Novo estado de alarma con restricións de mobilidade nocturna

26.10.20.- No Concello de Vilamartín vimos tendo casos de coronavirus Covid-19 dende hai unhas semanas e en toda Galicia hai limitación de reunión de máximo 5 persoas. Ante esta situación o goberno central decidiu decretar o estado de alarma que entrou en vigor na tarde do domingo, 25 de outubro, despois de ser publicado no Boletín Oficial do Estado. Este será o segundo estado de alarma dende o primeiro que se activou o pasado 14 de marzo para facer fronte á primeira ola do coronavirus Covid-19. Nesta ocasión búscase limitar o contacto social e a mobilidade nocturna.

Sin definir

Suspéndense todas as actividades deportivas e culturais no concello ante o aumento de casos da Covid-19

Número gratuito de información sobre a Covid-19

16.10.20.- En dous días temos casi triplicado o número de casos de enfermos pola Covid-19 no noso concello. O martes informabamos de 5 casos repartidos en dúas unidades familiares e hoxe temos que falar de 14 casos en tres unidades familiares. É dicir, nunha das familias aumentou a cantidade de persoas infectadas e ademais apareceu unha nova unidade familiar de 5 persoas enferma. Todos eles están xa confinados e con control médico.

Sin definir

Dúas familias do concello están confinadas pola Covid-19

14.10.20.- Hoxe recibimos información de Sanidade na que se nos indicaba que temos dúas unidades familiares positivas pola COVID19 no noso concello. As cinco persoas afectadas destas dúas familias xa están seguindo as medidas de confinamento indicadas. Pola nosa parte xa activamos o protocolo pertinente e lembramos que si as familias afectadas necesitan axuda poden poñerse en contacto co concello ou con Protección Civil. Así mesmo xa solicitamos a axuda dos membros de protección civil, que nas próximas horas procederán á desinfección de rúas.

Sin definir

Varias rúas do concello cambiarán de nome ou terán un novo

Mapas das tres zonas onde cambiarán ou haberá novos nomes de rúas

08.10.20.- Na sesión plenaria do mes de setembro, un dos puntos da orde do día, foi a adxudicación de nomes a viais que non tiñan ata agora nomenclatura e tamén se propuxeron cambios para outras. As zonas nas que se fixeron as modificacións foron no núcleo urbano de Vilamartín, no pobo de Córgomo e tamén no de Valdegodos. Entre as novas denominacións está a homenaxe a un alcalde da vila fusilado no ano 1936: Augusto Sierra Rodríguez. Esta nova rúa estará na localidade de Valdegodos, un tramo da estrada que conecta esta localidade con Córgomo.

Sin definir

O concello busca apoio en Medio Rural para que as novas plantacións de viñedo teñan medidas que eviten as escorrentías para non danar os terreos e as estradas

A chegada das choivas de outono fan pensar de novo nun problema que xera gastos ás arcas municipais e degrada os terreos de viñedos, xerado polo cambio no xeito de traballar as fincas. Coas choivas a terra destas fincas é arrastrada e invade as estradas e camiños públicos tendo que proceder a súa limpeza para evitar accidentes e atascos nas beirarrúas.

Sin definir

Bando lembrando a obriga de manter os edificios en bo estado de conservación

Bando

20-09-20.- O Concello de Vilamartín editou un bando lembrando a necesidade de manter as edificacións en bo estado de conservación. Indica que hai constancia da existencia de edificios en estado ruinoso no municipio polo tanto recordase a obriga de rehabilitalos ou derrubalos. Para calquera aclaración ou solicitude de permisos poden dirixirse á area de Urbanismo na casa consistorial.

Sin definir

Sputnik Labrego aposta pola creación dunha aula arqueolóxica en Vilamartín para amosar os obxectos atopados no Castro de Valencia do Sil

16.09.20.- Este venres remata a segunda campaña de escavación do colectivo Sputnik Labrego no Castro de Valencia do Sil. Este mércores, día 16, entregaron no Museo Arqueolóxico Provincial de Ourense todo o atopado tanto nesta campaña como na anterior. Para rematar a estadía na zona queren amosar a todos os veciños da comarca o que descubriron nestes 15 días de traballo. Para elo farán unha xornada de visita o sábado 19 de setembro ás 10 da mañá. As explicacións faranse en grupos de 10 persoas para seguir as medidas de seguridade da Covid-19.

Sin definir

Sputnik labrego volve para continuar coas escavacións arqueolóxicas en Valencia do Sil

Cartel da escavación

31.08.20.- No día de hoxe volveron a Vilamartín os membros do colectivo Sputnik Labrego para continuar escavando na zona do castro de Valencia do Sil. Os traballos feitos o ano pasado deron pé a que neste puideran volver e continuar buscando máis elementos do noso pasado para poder explicar o uso do castro de Valencia do Sil e os anos de ocupación. Os membros de Sputnik Labrego estarán encantados de recibir visitas durante o seu tempo de traballo dende as 10 da mañá ata as 5 da tarde. Os traballos faranse ata o 18 de setembro.

Sin definir

Bando lembrando as obrigacións dos propietarios de cans e as sancións previstas por incumprimento

Bando colocado en diferentes puntos do concello

O Concello editou un bando que está colocado en diferentes zonas lembrando as obrigacións dos propietarios dos cans e a necesidade de coidar deles e non deixalos soltos polas vilas. Indícase no texto que na ordenanza municipal reguladora hai marcadas multas que poden ir de leves a moi graves e que económicamente poden supoñer dende 30 a 15.000 euros.

Sin definir

Cine de verán ao aire libre nos pobos

Resume de actividades ao aire libre en varias localidades

O cine ao aire libre visitou en agosto as localidades de Arcos e Portela coincidindo coas súas festas. No mes de xullo esta actividade estivo presente en Córgomo e tamén no centro da vila. Ademais no campo de fútbol celebrouse un contacontos para os máis pequenos. Todas as sesións e actividades rexistraron moita afluencia de público e foron ben acollidas. Agardamos poder repetir a experiencia.

Sin definir

Páginas

Zircon - This is a contributing Drupal Theme
Design by WeebPal.