Vilamartin, como concello pequeno, terá horario amplio para sair a pasear e facer deporte

Subliñado nun recadro negro a ampliación de horario por ser municipio de menos de 5000 habitantes

O Concello de Vilamartín terá un horario diferente nesta fase de desescalada da enfermidade do Coronavirus. Ao ser un concello de menos de 5.000 habitantes non terá que facer horarios partidos para que poidan sair a pasear e facer deporte os diferentes grupos de poboación.

Sin definir

Aberto o prazo para axudas a proxectos con enerxías renovables

13.04.20.- O Instituto enerxético de Galicia (INEGA) continúa tendo aberto o prazo de presentación das convocatorias para subvencións relacionadas coas enerxías renovables. Unha das axudas son para a proxectos de enerxía solar fotovoltaica e outra para proxectos de enerxía renovables de uso térmico. Os prazos para a presentación de solicitudes están abertos dende comezos do mes de marzo e continuarán ata o 1 de xullo deste ano. Na sede electrónica da Xunta teñen todos os detalles.

Sin definir

Agradecemento para todos os voluntarios e para todos os ofrecementos de colaboración

21.03.20.- Nestes días tan complicados para todos, queremos agradecer a gran solidaridade de moitos dos nosos veciños e os traballos do voluntariado que se están a facer no noso concello. Dende que empezou o decreto do Estado de Alarma numerosos veciños puxéronse en contacto con nós ofrecendo a súa axuda para o que precisaramos. Xente de Arcos, Penouta, Correxais e outras localidades deste municipio que amosan a súa grandeza e boa vontade ofrecendo a súa colaboración ben de xeito individual e tamén a través de asociacións .

Sin definir

Vilamartín crea un grupo de axuda ante o Estado de Alarma polo coronavirus

Chama ao 679 84 68 79 se precisas axuda

16.03.20.- O equipo de goberno do Concello de Vilamartín creou un grupo de axuda para facer fronte ás urxencias e necesidades que poidan xurdir nesta alerta sanitaria polo virus Covid-19. Está dirixido a todas aquelas persoas que precisen comprar comida ou medicamentos e non teñan posibilidades para desprazarse. Tamén para axudar ante unha urxencia que xurda. Só teñen que chamar ao: 679 84 68 79.

Sin definir

Chamamento á calma e a responsabilidade ante o coronavirus

Peche dos parques infantís no concello

14.03.20.- A crise do coronavirus abre un panorama descoñecido que nos vai poñer a proba como seres humanos. Dende o Concello de Vilamartín queremos apelar á humanidade, solidariedade e sentido común de todos os nosos veciños para tentar parar esta enfermidade. Lembramos que tomar as medidas de precaución recomendadas e non moverse da casa é o mellor xeito de non espallar a doenza. Queremos agradecer a todos a vosa colaboración e a paciencia nos próximos días.

#MeQuedoEnCasa
#PararLaCurva

Sin definir

Novas rúas e camiños arranxados

Obras de arranxo nas rúas e camiños

13.03.20.- Nestas semanas estivemos arranxando varias rúas e camiños deste concello. A semana pasado traballamos no centro urbano, nas rúas Eirexa e Justino Fernández. Nestes días tocou rematar o asfaltado no camiño da Carruíña en Portela.

Sin definir

Bando sobre as medidas adoptadas para conter o Covid-19 no noso concello

Bando do Concello de Vilamartín coas medidas preventivas adoptadas dende este organismo

13.03.20.- Onte o Concello de Vilamartín decretou a suspensión das actividades grupais en locais municipais para axudar a frear a expansión da enfermidade do coronavirus. As medidas excepcionais que se están levando a cabo nestes días en toda Galicia e no resto de España levan a facer unha chamada á responsabilidade e a calma. Dende esta mañá temos un bando no que se explican as dúas medidas que se adoptan neste concello. Por un lado limitase a atención presencial na propia casa do concello e por outro suspéndense todas as actividades en grupo en locais municipais.

Sin definir

Actividades do Día da Muller durante toda a semana

Programa completo do 8 de Marzo

A primeira semana deste mes de marzo dedicarémola a varias actividades para celebrar o 8 de Marzo, o Día da Muller Traballadora. Todas elas farémolas en colaboración coa Plataforma Mulleres de Valdeorras. Empezaremos o mércores día 4 cunha conferencia debate sobre a "A Igualdade da Muller no Século XXI" no Centro Santa Lucía ás 18 horas. O venres, día 6, ás 12 horas faremos diante do concello a lectura do Manifesto 8M e durante a fin de semana haberá cine no Santa Lucía o sábado coa proxección da película "Casa de Bonecas" e o domingo marcharemos de romería ata San Miguel de Outeiro.

Sin definir

Arranxo dun camiño en Correxais

Un novo camiño de Correxais foi reparado para facilitar o acceso dos veciños ás súas vivendas e terreos.

Sin definir

Aberto o prazo para anotar as comparsas que participaran no Entroido

Cartel do Entroido de Vilamartin 2020

O domingo 22 de febreiro celebrarase o tradicional desfile de Entroido en Vilamartín. O prazo para anotar as comparsas e levar o premio por participar está aberto ata o dia 18 de febreiro.

Sin definir

Páginas

Zircon - This is a contributing Drupal Theme
Design by WeebPal.