12.06.20.- O concello de Vilamartín convoca dúas prazas para contratar traballadores. Unha será para un albanel e outra para un peón forestal. Os contratos serán de 6 meses por obra.
O prazo para presentar as solicitudes no rexistro do Concello estará aberto ata o día 19 de xuño.
14.11.19.- O Concello de Vilamartín ten en marcha a convocatoria para a selección de personal laboral temporal a fin de cubrir un posto de limpador/a para o servizo de limpeza das dependencias municipais. O sistema de escolla será mediante o de concurso-oposición e a contratación farase ca modalidade de contrato de duración temporal de interinidade.
01.02.19.- O último día do mes de xaneiro levouse a cabo en Vilamartín o exame para cubrir a praza dun funcionario interino e formación de bolsa de traballo de auxiliar administrativo. A continuación ofrecemos o resultado desta proba.
14.12.18.- No proceso de selección dunha praza de funcionario interino, vólvese a publicar a listaxe de admitidos e excluídos para subsanar un erro que existía. Na listaxe que se pon a continuación poden ver os nomes finais para continuar o proceso
15.10.18.- O pasado día 10 de Outubro o Boletín Oficial da Provincia de Ourense fixo pública a convocatoria dunha praza de funcionario interino de auxiliar administrativo no noso concello. Como xa adiantamos nas nosas redes sociais o pasado día 12, hai un prazo de 10 días a contar dende o día seguinte á publicación no Boletín para poder presentar as solicitudes no rexistro do concello.
19.01.18.- Esta semana empezaron as obras na Praza da Rodeleira para darlle un cambio tanto interno como externo. En primeiro lugar empezarán as obras para cambiar todo o sistema de tubaxes que están soterradas e que levan ocasionado moitos problemas por roturas. Cambiaranse as canalizacións de rego, auga de consumo e saneamento. Unha vez rematada esta parte, continuarán as de adecentamento do espazo para uso e disfrute dos veciños. Faranse beirarrúas novas, unha rotonda no cruceiro, novos aparcamentos e zonas de esparcemento.