O tren de Papá Noel percorrerá mañá varios pobos de Vilamartín

23.12.20.- O tren de Papá Noel percorrerá na tarde do día 24 varias localidades deste concello para desexarlle unhas boas festas a todos os veciños. Para manter as normas de seguridade Covid-19 o tren non parará en ningún lugar, nin se poderá manter contacto cos ocupantes. A caravana partirá as catro da tarde e percorrerá as rúas centrais de varios pobos, entre eles o casco urbano,San Miguel, Valdegodos, Córgomo, Portela e Arcos. Ademais de visitar as dúas residencias de anciáns da localidade.

Galego

Sete postais participaron no concurso online de Nadal

cartel coas postais concursantes

23.12.20.- O noso concurso de postais online tivo sete participantes. Queremos agradecer a todos eles o esforzo de enviar os debuxos e querer participar no noso concurso. Tamén estamos moi agradecidos pola participación dos nosos seguidores na rede social Facebook que foron os encargados de votar a postal gañadora. Finalmente a gañadora foi a postal da nena, Lucía Martínez, que será a nosa felicitación de Nadal nestas datas.

¡¡BO NADAL A TODOS E MOITA PRECAUCIÓN¡¡

Galego

Juan Enrique Guntiñas Roo, novo Concelleiro de Medio Rural e Medio Ambiente

15.12.20.- Hoxe celebrouse sesión plenaria para a toma de posesión do novo concelleiro, Juan Enrique Guntiñas Roo. O falecemento o mes pasado de José Luís Álvarez provocou unha renovación na lista do Partido Socialista deste concello e no grupo de goberno. A partir de agora o novo edil será o encargado das labores relacionadas con Medio Ambiente e Medio Rural. O anterior responsable destes temas, Gonzalo Quinteiro Delgado pasa a ocuparse das funcións de Sanidade, Asistencia Social e Participación Cidadá.

Galego

Obra de teatro infantil este venres con reserva previa de asistencia

Cartel da actuación deste venres

Este venres teremos obra de teatro infantil con monicreques. A actuación farase no Centro Social Santa Lucía ás 17,30 horas. Para poder asistir teñen que facer reserva previa chamando ao concello no teléfono 988 30 00 01. A entrada é gratuita pero é obrigatorio facer a reserva como medida de prevención da transmisión da Covid-19.

Galego

Postais de Nadal en redes sociais e cartas a Papá Noel e aos Reis Magos

09.12.20.- Este ano será un Nadal diferente e dende a Concellería de Cultura intentan que os nenos continúen participando en actividades propias destas datas como son as postais e a carta aos Reis Magos ou Papá Noel. Por unha parte esta semana púxose en marcha a actividade de Postais de Nadal que se poden enviar por privado ao Facebook do Concello. O prazo é ata o día 20, nese día publicaranse todas e os fans da páxina votarán a que máis lle guste ata o día 23.

Undefined

Sesión plenaria con lembranza para o tenente de alcalde e aprobación de obras

Sesión plenaria celebraba o día 26 de novembro

27.11.20.- A sesión plenaria do mes de novembro empezou cun minuto de silencio polo recentemente falecido, José Luís Álvarez Álvarez, tenente de alcalde deste concello. Ademais o rexedor, Rique Barreiro leu unhas palabras de lembranza do compañeiro de grupo de goberno.

Undefined

Puntos de recollida activos para o Banco de Alimentos

26.11.20.- Un ano máis ponse en marcha o servizo de recollida de alimentos non perecedeiros para o Banco de Alimentos de Ourense. En Vilamartín hai habilitados catro puntos de recollida.
Estes son:

Casa do Concello
Supermercados Coviran
Perruquería Duar
Bar da Gasolineira

O periodo de recollida estará activo todo o mes de novembro e decembro nos horarios de apertura dos locais colaboradores. Agradecemos a todos os veciños o esforzo que fan para axudar aos que máis o necesitan nestes momentos.

Undefined

25N: traballar pola educación e a concienciación da cidadanía

25.11.20.- A Federación Galega de Municipios e Provincias (FEGAMP) fai público un comunicado para o 25 de Novembro que compartimos a continuación. Lembrade que hoxe non haberá concentración ás 12 horas diante do concello pola Pandemia da Covi-19. Pedimos que se garde un minuto de silencio nas casas.

#concellosgalegos #polobotrato

Galego

25N un día para lembrar a Violencia contra as mulleres e eliminala

24.11.20.- Mañá celébrase o Día da eliminación da violencia contra as mulleres . No caso do noso concello non se celebrará a habitual concentración das 12 do mediodía diante do concello pola pandemia da Covid-19. O que si se solicita a todos os veciños que queiran adherirse a este día que garden o seu minuto de silencio.

Undefined

Faleceu o primeiro tenente de alcalde, José Luís Álvarez Álvarez

José Luís Álvarez, segundo pola dereita da foto,  o día de constitución da corporación municipal no 2019

21.11.20.- O primeiro tenente de alcalde e concelleiro de Sanidade, Asistencia Social e Participación Cidadá, José Luís Álvarez Álvarez, faleceu no día de hoxe. Dende o concello e o grupo de goberno socialista lamentan a perda dunha persoa comprometida co pobo e que quixo dedicar o seu tempo a mellorar a vida dos seus veciños. José Luís Álvarez tomou posesión do seu cargo o 15 de xuño do 2019 exercendo o seu traballo e axudando nas labores diarias do concello.
Dende o concello decretáronse 3 días de loito oficial.

Undefined

Páxinas

Zircon - This is a contributing Drupal Theme
Design by WeebPal.