Bases para as axudas ás comparsas de Entroido para o desfile deste sábado

Undefined

02.02.18.- O Concello xa fixo públicas as bases para a concesión das axudas ás comparsas de máis de 13 compoñentes que queiran participar no desfile do sábado 10 de febreiro ás 17:30 horas.

Os interesados en participar e recibir esta axuda económica que vai dos 75 aos 125 euros poden pasarse polo Concello a inscribirse e levar a folla de inscrición que se pode descargar nesta información. O prazo para inscribirse remata o venres 9 de febreiro.

 

 

A instalación de válvulas de redución de presión permitirán aforrar auga e avarías na rede de abastecemento

Undefined

26.01.18.- Esta semana iniciáronse os traballos de instalación de válvulas redutoras de presión no depósito de auga que abastece a Vilamartín pobo (centro urbano). Este sistema permite reducir a forza da presión coa que baixa a auga dende o depósito vello á rede de abastecemento. Deste xeito con menos presión rebaixarase o nivel de avarías que se viñan producindo por esta causa nas tubaxes vellas de fibrocemento. A rede de abastecemento ten máis de 40 anos e coa presión que saia do depósito, producíanse numerosas avarías.

Empezan as obras na Praza da Rodeleira

Undefined

19.01.18.- Esta semana empezaron as obras na Praza da Rodeleira para darlle un cambio tanto interno como externo. En primeiro lugar empezarán as obras para cambiar todo o sistema de tubaxes que están soterradas e que levan ocasionado moitos problemas por roturas. Cambiaranse as canalizacións de rego, auga de consumo e saneamento. Unha vez rematada esta parte, continuarán as de adecentamento do espazo para uso e disfrute dos veciños. Faranse beirarrúas novas, unha rotonda no cruceiro, novos aparcamentos e zonas de esparcemento.

Vilamartín agradece o apoio ao Camiño de Inverno por parte de Ponferrada en Fitur

Undefined

17.01.18.- Hoxe na Feira de turismo Fitur en Madrid houbo un acto de promoción do Camiño de Inverno onde estiveron presentes alcaldes da recentemente constituída Asociación de Concellos do Camiño de Santiago. O Concello de Ponferrada decidiu dedicar unha parte do seu stand promocional ao Camiño de Inverno para que todos os visitantes teñan a oportunidade de coñecelo nesta feira internacional de turismo.

O Concello lembra que os danos ocasionados por árbores caídas na vía pública de fincas privadas son responsabilidade dos seus donos

Undefined
10.01.18.- O Concello lembra a normativa pola que os propietarios son responsables dos danos que poidan ocasionar as árbores que se rompan ou caian e causen danos na vía pública. Esta semana deuse ese caso na Praza Cerdeirais onde dous coches resultaron danados pola caída de árbores. Neste caso o propietario da finca terá que facerse cargo dos danos ocasionados. O grupo de goberno colocou o ano pasado varios carteis polas beirarrúas explicando esta normativa para que puidera chegar ao maior número de persoas.

Boas festas e feliz aninovo

Undefined

Dende o Concello de Vilamartin desexamos que pasedes unhas boas festas e que sexades moi felices no 2018. Lembrade que para os máis pequenos temos actividades tanto en decembro como nos primeiros días de xaneiro.

 

Aberta a campaña de recollida de alimentos da Cruz Vermella

Undefined

14.11.17.- O Concello de Vilamartín colabora na campaña da Cruz Vermella: “Por un Nadal feliz para todos”. A actividade está centralizada na casa consistorial coa colaboración de Protección Civil da vila. O horario de recollida é de nove da mañá a dúas da tarde.

Completado o proceso para a cesión ao Sergas do Centro de Saúde e presupostos para o 2018 xa en marcha

Undefined

01.12.17.- A corporación de Vilamartin celebrou a sesión plenaria do mes de novembro con sete puntos na orde do día. Entre eles os cambios no inventario de bens municipais e o inicio da cesión de uso gratuíta do edificio do Centro de Saúde á Consellería de Sanidade. Ademais o rexedor, Rique Barreiro, xa anunciou que están preparando os presupostos do 2018.

Vilamartín ocupa a vicepresidencia da recen creada Asociación de Concellos do Camiño de Santiago

Undefined

23.11.17.- O alcalde de Vilamartin, Rique Barreiro, foi elixido esta semana como vicepresidente da Asociación de Concellos do Camiño de Santiago. O acto de constitución desta nova entidade celebrouse en Ponferrada o pasado día 20 e a el acudiron representantes de 14 dos 19 concellos que xa amosaron a súa intención de entrar nesta asociación. Non acudiron máis porque a algúns deles fáltalles levar a pleno a súa adhesión, entre eles A Rúa e Monforte.

Unha andaina solidaria en repulsa da violencia machista para o 25 de novembro

Undefined

20.11.17.- O Concello de Vilamartín participa nos actos do Día Internacional contra a Violencia de Xénero do próximo 25 de novembro.

Páxinas

Zircon - This is a contributing Drupal Theme
Design by WeebPal.