O alcalde de Vilamartín iniciará un encerro no Concello como medida de presión para o arranxo da estrada de San Vicente

Undefined

06.03.18.- A estrada pertencente á Deputación de Ourense leva sufrido nos últimos días graves derrubes que acentúan o estado de ruína no que xa se atopaba. O rexedor leva sete anos tentando buscar unha solución co organismo provincial a un vial que leva case 25 anos de problemas polo mal estado.  Ante a falta de actuacións e dado que o problema se agravou nos últimos días, esta tarde convocouse unha rolda de prensa no pobo de San Vicente no que se anunciaron medidas de presión.

A atleta Eva Arias correrá polos dereitos das mulleres dende Petín ao Barco nun acto reivindicativo do 8 de Marzo

Exposición de esculturas e pinturas na Casa Gayoso de Portela co Camiño de Inverno como telón de fondo

Undefined

27.02.18.- O artista berciano Lolo Zapico ten unha exposición onde as temáticas rurais e a súa relación co Camiño de Inverno  son as protagonistas.  Este traballo que xa estivo exposto no Castelo de Cornatel e no Museo da Enerxía de Ponferrada, chega agora á Vilamartín para quedarse dous meses. É unha actividade organizada coa colaboración do Concello de Vilamartín e a Asociación de Concellos do Camiño de Inverno.

Inauguración na Casa Gayoso de Portela

Instalada a segunda válvula redutora de presión en Vilamartín centro para garantir o abastecemento de auga e controlar o consumo

Undefined

24.02.18.- Esta semana  instalouse a segunda válvula redutora de presión na parte baixa de Vilamartín pobo para mellorar o sistema de abastecemento nesta parte da vila. Os traballos comezaron no mes de xaneiro coa colocación dunha primeira válvula no depósito de auga que abastece ao centro urbano. Este sistema permite reducir a forza da presión coa que baixa a auga dende o depósito vello á rede de abastecemento. Deste xeito con menos presión rebaixarase o nivel de avarías que se viñan producindo por esta causa nas tubaxes vellas de fibrocemento.

Necesidade de limpar as árbores que estean debaixo das liñas eléctricas

Undefined

23.02.18.- A compañía Unión Fenosa remitiu un escrito ao Concello de Vilamartín para lembrarlle a todos os veciños a necesidade de manter limpas as zonas debaixo das liñas eléctricas. Lembra que hai que facelo en cumprimento da Lei 12/2012 de montes de Galicia e a Lei 3/2007 de prevención e defensa contra os incendios de Galicia. En caso de que os veciños non o fagan será Unión Fenosa o que proceda a súa limpeza sen custe.

A demanda de vivenda con terreo aumenta en todo o concello

Undefined

12.02.18.- O programa de intermediación para a creación dunha lista de casas en alugueiro e  venda no municipio está aberto a todos aqueles que queiran facilitar que persoas interesadas en vivir no noso Concello poidan facelo.

O Concello busca asesoramento técnico e financiamento para unha nova fosa séptica na zona de Arcos

Undefined

09.02.18.- O Concello está na procura dunha solución para mellorar o saneamento das zonas de Arcos, Córgomo e Baxeles. O crecemento desta zona na que están instaladas adegas, hoteis e outras industrias fixo que a fosa séptica se quedara pequena  dende hai máis dunha década. Un dos primeiros pasos a dar é ter informes técnicos que abalen cal é a solución máis eficaz.

Vilamartín recibiu aos membros da Asociación de Concellos do Camiño de Inverno na reunión de inicio de actividade desta entidade

Undefined
02.02.18.- O Concello de Vilamartín, que ocupa a vicepresidencia da Asociación de Concellos do Camiño de Inverno, recibiu esta semana ao resto de socios para continuar na montaxe desta nova entidade. Na reunión, celebrada o luns 26 de xaneiro,  estiveron presentes alcaldes e representantes de 19 dos 23 concellos asociados entre Galicia e o Bierzo.

Bases para as axudas ás comparsas de Entroido para o desfile deste sábado

Undefined

02.02.18.- O Concello xa fixo públicas as bases para a concesión das axudas ás comparsas de máis de 13 compoñentes que queiran participar no desfile do sábado 10 de febreiro ás 17:30 horas.

Os interesados en participar e recibir esta axuda económica que vai dos 75 aos 125 euros poden pasarse polo Concello a inscribirse e levar a folla de inscrición que se pode descargar nesta información. O prazo para inscribirse remata o venres 9 de febreiro.

 

 

A instalación de válvulas de redución de presión permitirán aforrar auga e avarías na rede de abastecemento

Undefined

26.01.18.- Esta semana iniciáronse os traballos de instalación de válvulas redutoras de presión no depósito de auga que abastece a Vilamartín pobo (centro urbano). Este sistema permite reducir a forza da presión coa que baixa a auga dende o depósito vello á rede de abastecemento. Deste xeito con menos presión rebaixarase o nivel de avarías que se viñan producindo por esta causa nas tubaxes vellas de fibrocemento. A rede de abastecemento ten máis de 40 anos e coa presión que saia do depósito, producíanse numerosas avarías.

Páxinas

Zircon - This is a contributing Drupal Theme
Design by WeebPal.