Lembrando as actividades do Vilaverán

Undefined

06.09.17.- As actividades do Vilaverán, feitas en xullo e agosto, foron todo un éxito. Os rapaces disfrutaron de moitas actividades e aprenderon xogando. Hoxe facemos lembranza delas con estas fotos. PREMER SOBRE AS FOTOS PARA PODER VELAS MÁIS GRANDES...

Aberto o prazo para reservar as instalacións deportivas

Undefined

05.09.17.- Lembramos a todos os grupos que fagan actividades deportivas en conxunto que xa está aberto o prazo para reservar as instalacións deportivas municipais que precisen. Os grupos que practican fútbol sala, pilates, zumba, baile de salón, etc teñen que pasar polo Concello para recher os datos da folla de petición de instalación deportiva, que tamén adxuntamos nesta información. Nela teñen que indicar os días e horas que precisan para poder facer a táboa de usos de cada unha delas.

Abertos os tres primeiros expedientes de execución de limpeza de fincas urbanas

Undefined

21.08.17.- O Concello de Vilamartín ten en marcha os primeiros tres expedientes  de execución de limpeza de fincas ante o risco de problemas de salubridade e incendio preto de edificacións urbanas. Despois da colocación de bandos, envío de comunicados e notificacións individualizadas a varios veciños, inician este proceso sancionador.

O noso apoio ás familias das vítimas e aos feridos dos atentados en Cataluña

Undefined

19.08.17.- “Non existen palabras para describir os sentimentos que nos xeran estes asesinatos. Non podemos imaxinar a dor profunda que deben estar pasando as familias das vítimas. Dende Vilamartín queremos facer chegar todo o noso apoio a esas familias e a todos feridos que están sufrindo”.  Unhas palabras sentidas que se dixeron onte, sen discurso escrito previo, polo tenente de alcalde, Pablo Deramond, diante das persoas que se concentraron en repulsa dos atentados vividos nas poboacións de Barcelona e Cambrils.

Problemas de abastecemento en Vilamartín pola utilización indebida da auga de consumo humano

Undefined

15.08.17.- O centro de Vilamartín leva dous días con problemas de abastecemento de auga pola utilización indebida da mesma. Os problemas empezaron na noite do domingo ao luns cando se baleiraron os dous depósitos e os veciños estiveron a mañá do luns sen abastecemento. O mesmo problema volveu pasar na noite do luns ao martes. Despois de comprobar que non hai avarías que causen o desperdicio da auga o grupo de goberno, axudado por moitos veciños, está empezando a vixiar onde se pode gastar indebidamente a auga para consumo humano.

Un proxecto de construción dunha pista perimetral no pobo de Correxais funcionaría como cortafogos

Undefined

31.07.17.- O incendio que afectou na fin de semana á zona de Valencia do Sil e Correxais fai lembrar a necesidade de manter limpas as fincas preto das vivendas e tamén un proxecto de hai un par de anos, precisamente, para o pobo de Correxais. A idea era a construción dunha pista de terra que rodearía toda a poboación e que fixera tanto de cortafogos como de zona de paso para facerlle fronte a un incendio. O proxecto non foi adiante pola falta de entendemento con algúns veciños para ceder terreos que se necesitaban para este tema.

Preocupación ante a falta de cobertura dunha praza de médico do Centro de Saúde por xubilación dun dos facultativos

Galego

26.07.17.- O Centro de Saúde de Vilamartín conta na actualidade con dous médicos pero a partir do 9 de agosto un deles vaise xubilar sen que, de momento, se teña noticia de que se vaia a cubrir a súa  praza. O que implicaría que o centro quedaríase cun solo médico para atender a toda a poboación.

O día 5 de agosto celebrarase unha nova edición da Festa das Covas de Vilamartín

Undefined

25.07.17.- Unha nova edición da Festa das Covas de Vilamartín xa está en marcha. A data será o próximo día 5 de agosto a partir das 20:30 horas. O prezo da entrada será de 12 € que da dereito á degustar viños e pinchos en máis de corenta e cinco covas da zona. Como cada ano a organización porá autobuses gratuítos dende A Rúa e O Barco a partir das 19:40 horas da tarde e despois a volta ás 3 da mañá.

Os ciclistas da Gaes Pilgrim Race pola ruta do Camiño de Inverno chegarán mañá ao Bañadoiro

Galego

20.07.17.- Mañá  venres, día 21, o Concello de Vilamartín acollerá a chegada da sétima etapa da proba deportiva en bicicleta de montaña, Gaes Pilgrim Race. Esta actividade partía o domingo, 16 de xullo, dende Madrid e durante esta semana percorreron unha gran parte dos  725 quilómetros por rutas marcadas seguindo Camiños de Peregrinación que repartiron en 8 etapas. A sexta etapa percorrerá parte do Camiño Francés e entrará en Galicia polo Camiño de Inverno.

Vilamartín destino e parada da sétima etapa da proba deportiva Gaes Pilgrim Race a semana que ven

Galego

14.07.17.- A partir deste domingo, 16 de xullo, os participantes da proba deportiva en bicicleta de montaña, Gaes Pilgrim Race, percorrerán 725 quilómetros de Camiños de Peregrinación repartidos en 8 etapas. A sexta etapa percorrerá parte do Camiño Francés e entrará en Galicia polo Camiño de Inverno.  A data será o  21 de xullo, o próximo venres, e o trazado partirá de  Astorga e parará en Vilamartín.

Páxinas

Zircon - This is a contributing Drupal Theme
Design by WeebPal.