Aprobada a Conta Xeral do 2015 e empezando a preparar os orzamentos do 2017

Galego

07.10.16.- O pasado 29 de setembro aprobouse en sesión plenaria a Conta Xeral do 2015 e esta semana foi publicada no boletín da provincia. A Conta  foi aprobada cos votos a favor do grupo de goberno socialista e co do concelleiro da oposición, José Pinto . Unha vez pasado este trámite e os 15 días de exposición ao público será remitida ao Consello de Contas. Na mesma sesión tamén se aprobou un recoñecemento extraxudicial de crédito para pagar facturas de obras feitas do exercicio anterior, co anterior grupo de goberno do PP,  despois de aprobada a Conta Xeral.

O concello mellora un tramo do Camiño de Inverno no Bañadoiro

Galego

28.09.16.-Esta semana iniciáronse novos traballos para abrir dous viais de terra na zona doa área recreativa do Bañadoiro. O obxectivo é  mellorar o trazado do Camiño de Inverno ao seu paso por este concello.  Dende o consistorio teñen coñecemento do incremento de peregrinos que están usando esta ruta para chegar a Santiago. Con esta obra, que se acaba de iniciar, terán un camiño marcado e reservado para eles. O Concello de Vilamartín aproveitará as obras e tamén construirá un vial para o paseo con bicicletas pola zona. 

Vilamartín abre un novo paso peonil para conectarse con A Rúa

Galego

27.09.16.-  A brigada de obras de Vilamartín está construíndo un tramo de 500 metros de paso peonil para conectar a zona de San Miguel con A Rúa vella á beira da estrada N-536. Este camiño de terra permitirá ter unha zona de paso onde, ata o momento, non existe beirarrúa e que como explica o alcalde, Rique Barreiro “non había por onde pasar a pé,  so pola estrada,  e coa afluencia de peregrinos polo Camiño de Inverno que estamos tendo é perigoso”.

Andaina para vivir a romaría de San Cosme no Robledo

Galego

20.09.16.- A romaría de San Cosme no Robledo, o 25 de setembro, conta dende hai uns anos con asistentes que chegan ao pobo despois de facer unha andaina duns 8 quilómetros dende o centro de Vilamartín. A ruta pasa por lugares de gran beleza paisaxística e elementos etnográficos propios da comarca como os muíños, albares e sequeiros  que chaman a atención dos camiñantes, de feito o trazado coñecese como “ Ruta dos muíños de San Cosme”.

Aberto o prazo para apuntarse en actividades deportivas municipais

Galego

02.09.16.-A Concellería de Deportes de Vilamartín anuncia a apertura do prazo para apuntarse en varias actividades deportivas como o fútbol sala para nenos ou solicitar o uso das instalacións para a ximnasia,o pilates ou mesmo baile de salón .

O Concello analizou as augas de 20 fontes públicas das que máis da metade non é apta para o consumo

Galego

25.08.16.-A Concellería de Sanidade de Vilamartín encargou unha analise microbiolóxica de 20 fontes de uso público no territorio deste concello para coñecer o seu estado. A analítica realizouse o pasado 8 de agosto e agora coñécense os resultados nos que se constata que en 11 delas a auga non é apta para o consumo e no resto non contan con suficientes garantías sanitarias. Esta analítica só ten un valor orientativo e só serve para dar unhas recomendacións xerais que os veciños consumidores desas augas deben valorar.

90 participantes na segunda Travesía a Nado Valdeorras disputada nas augas do Sil no Bañadoiro

Galego

25.08.16.-A segunda edición Travesía a Nado de Valdeorras celebrouse o pasado día 20 nas augas do río Sil entre O Barco e Vilamartín. Dúas das tres probas tiveron lugar en territorio de Vilamartín, na área recreativa do Bañadoiro, e reuniron a centos de persoas entre nadadores, acompañantes e público. 90 participantes tomaron a saída para completar os 2.525 metros do recorrido curto e os 5.050 metros do longo, puntuables para o XIII Circuíto Galego de Augas Abertas.

A II Travesía a Nado de Valdeorras celebrará as súas probas de expertos na zona do Bañadoiro

Galego

19.08.16.- O río Sil e a zona de O Bañadoiro en Vilamartín serán mañá protagonistas da segunda edición Travesía a Nado de Valdeorras. Unha proba que forma parte do XIII Circuito Galego de Augas Abertas.

Celebraranse tres carreiras, unha primeira popular pola mañá  realizable por  todos os niveis e todas as idades en augas do río Sil no Barco. As dúas probas máis longas e xa para expertos serán en Vilamartín con distancias de 2525 e 5050 metros.

O Concello de Vilamartín colabora co II Silfest lembrando a figura do poeta Florencio Delgado Gurriarán

Galego

19.08.17.- Hoxe ás 20:30 horas celebrarase dentro da segunda edición do Festival Silfest no Barco a primeira competición poética “I Poetry Slam Silfest”. Nela o poeta de Córgomo, Florencio Delgado Gurriarán, terá unha presenza especial segundo nos indican dende a organización do Silfest. Xa adiantan que se repartirán unhas chapas co seu retrato como parte desa homenaxe ao poeta valdeorrés. O Concello de Vilamartín colabora co festival para apoiar esta competición poética e lembrar a figura de Florencio Delgado.

A Ruta das Covas de Vilamartín cumpre 20 anos este sábado

Galego

04.08.16.-A Ruta das Covas de Vilamartín celebrará este fin de semana os seus 20 anos de vida coa apertura de 49 covas. A festa adiantarase a mañá venres, día 5,  para os coveiros e amigos coa celebración da coñecida “Pequena”, unha pequena ruta por algunhas covas, para permitirlle aos coveiros, pasar tamén unha tarde de festa. Empezarán a partir das 18 horas coa IV Guerra das Fontes e a continuación o pregón a cargo do médico, Rafael López López.

Páxinas

Zircon - This is a contributing Drupal Theme
Design by WeebPal.