04.11.19.- As asociacións veciñais deste concello xa poden solicitar a súa subvención. Está aberto o prazo para presentar a petición. Todos aqueles interesados teñen máis información na casa consistorial. As cantidades serán duns 700 euros despois de que se fixera unha modificación dos orzamentos na última sesión plenaria.
NO SEGUINTE ENLACE PODEN VER A DOCUMENTACION QUE PRECISAN PRESENTAR:
28-10.19.- O programa de actividades do Concello do Barco para homenaxear os cincuenta anos do grupo de arqueólogos afeccionados coñecidos como os “ Os Escarvadores”, tivo o pasado sábado unha visita ao Castro de Valencia do Sil no noso concello. A actividade contou cuns 50 participantes que ascenderon ata o xacemento e puideron coñecer de primeira man a historia deste descubrimento e do traballo que está a facer agora o grupo especializado Sputnik Labrego.
24.10.19.- Os antigos poboadores da comarca de Valdeorras e a súa presenza no Castro da localidade de Valencia do Sil serán protagonistas esta fin de semana de dous actos. Por un lado unha visita co arqueólogo Santiago Ferrer e por outro o inicio das investigacións por parte do equipo de Sputnik Labrego.
21.10.19.- A construción da nova estación depuradora de augas residuais (EDAR) de Arcos vai dar máis traballo do esperado xa que haberá que ampliar a súa capacidade para poder dar servizo a todos os veciños. Na redacción da memoria inicial contemplábase facer unha EDAR duns 300.000 euros para recoller as augas residuais de Arcos, Córgomo e Valdegodos pero os técnicos están estudando de novo o proxecto porque non vai ser suficiente co espazo previsto.
10.10.19.- A Deputación de Ourense comunica nun escrito que as obras do novo acceso ao pobo de San Vicente non poderán empezar antes do primeiro trimestre do ano 2021. A explicación está na serie de trámites que están en marcha dende este ano e que non rematarán antes desa data. Entre eles están as expropiacións, notificacións, recursos e redacción de proxecto. Toda esta información foi aportada dende o organismo provincial ao grupo provincial socialista que pediu información sobre o estado das expropiacións para a construción do acceso a San Vicente.
18.09.19- O día 2 de outubro darán comezo as Escolas Deportivas e dende Concello notifican que está aberto o prazo para apuntarse. Todos os interesados teñen que achegarse ata a casa do concello para facer os trámites.
13.09.19.- A Consellería de Medio Ambiente, Territorio e Vivenda ten o prazo aberto para a solicitude de axudas ao aluguer do Plan Estatal de Vivenda 2018-2021. O prazo pecharase o día 11 de outubro e a continuación teñen onde obter máis información e os trámites a realizar.
03.09.19.- O Concello de Vilamartín afronta o último cuatrimestre do ano cas contas aprobadas durante o verán. Un total de 1,614.993 euros forman este orzamento 2019. Este foi un presuposto feito para continuar co traballo deste ano electoral no que se seguirá cos traballos diarios de xestión do concello. Unhas contas marcadas pola diminución da débeda dos intereses dos préstamos herdados e a rebaixa nos custes de mantemento do centro de saúde ao lograr a transferencia ao Sergas.
31.08.19.- O fin do mes de agosto conleva tamén o remate das actividades do Vilaverán no noso concello. Durante dous meses máis de 100 rapaces, en diferentes quendas, puideron xogar e aprender cos técnicos e voluntarios do campamento estival. Ademáis tiveron experiencias inolvidables como o día coa protectora de gatos da zona, excursións a espazos do noso concello, aprenderon a construir caixas de reciclaxe e ata axudaron a decorar as rúas e mantelas limpas.
Galego
Español
