Vilamartín busca unha empresa para continuar co Servizo de Axuda a Domicilio no 2017

Galego

21.11.16.-Unhas 30 persoas necesitan cada mes deste servizo que na actualidade, e ata fin de ano, está  levando a cabo a empresa Alpixendra.  No pleno do mes de Outubro  o grupo de goberno socialista de Vilamartin aprobou as bases do prego de condicións para contratar este servizo para o ano que ven.

Vilamartín participará na campaña “Valdeorras en negro” contra a violencia e o maltrato

Galego

18.11.2016.- O Concello de Vilamartín participará nos actos do Día Internacional para a Erradicación da Violencia contra as Mulleres que este ano se farán en varias localidades da comarca baixo o título “Valdeorras en negro”. Haberá actividades que se levarán a cabo nos catro concellos colaboradores desta campaña: O Barco, A Rúa, Vilamartín e Petín e ademais cada un deles terá actos propios. O obxectivo é facer máis visible o problema do maltrato e crear conciencia do problema na sociedade valdeorresa.

Veciños de Córgomo aprenden a tocar a gaita con clases semanais

Galego

31.10.16.- As clases de música para aprender a tocar a gaita xa empezaron no pobo de Córgomo. Nove nenos de idades comprendidas entre os 8 e os 11 anos animáronse este ano a participar. Tamén se apuntaron 6 adultos que recibirán as súas clases da man da profesora Raquel Fernández Fernández. As clases impartiranse todos os mércores de 19:30 a 20:45 para os máis pequenos e a partir das 21 horas para os maiores. Este será o segundo ano que se imparten clases de música na Casa do pobo de Córgomo.

Vilamartin participou activamente na III etapa do Camiño de Inverno dende o Bierzo

Galego

23.10.16.- A comarca de Valdeorras e o Concello de Vilamartín foron protagonistas este sábado, día 22,  da III etapa do Camiño de Inverno que organizou a Asociación del Camino de Invierno a Santiago por el Bierzo. A III etapa desta particular peregrinación, para promover esta ruta xacobea, realizouse entre a localidade de Puente de Domingo Flórez e Vilamartín.

Rematado o Camiño das Soutelas en Correxais con fondos europeos

Galego

18.10.16.- O camiño das Soutelas no pobo de Correxais está arranxado a través dunha subvención que conseguiu o Concello de Vilamartín.  A axuda de 43.033 € procedente dos fondos europeos Feader (Fondo Europeo Agrario de Desenvolvemento do Rural) estaba destinada á mellora de camiños de acceso a  explotacións agrarias. Neste caso as beneficiarias son dúas granxas de gando vacún e caprino da localidade de Correxais.

A obra escultórica mural “As uvas da vida” xa forma parte de Vilamartín

Galego

10.10.2016.- O Concello de Vilamartín colaborou na posta en marcha dun obradoiro de técnicas de realización de murais que permite deixar unha obra escultórica para a vila.  Unha paisaxe de viñedos,  montañas e dúas mulleres cargando cestos de uvas  na cabeza conforman este mural que o escultor arxentino Carlos Moreyra realizou a través do obradoiro que impartiu nas últimas semanas de setembro no noso concello. Neste traballo tamén participaron o mestre  Leonardo Corazza e a artista Laura Duben, xunto coas alumnas Carmen Álvarez e Carina Rodríguez.

Aprobada a Conta Xeral do 2015 e empezando a preparar os orzamentos do 2017

Galego

07.10.16.- O pasado 29 de setembro aprobouse en sesión plenaria a Conta Xeral do 2015 e esta semana foi publicada no boletín da provincia. A Conta  foi aprobada cos votos a favor do grupo de goberno socialista e co do concelleiro da oposición, José Pinto . Unha vez pasado este trámite e os 15 días de exposición ao público será remitida ao Consello de Contas. Na mesma sesión tamén se aprobou un recoñecemento extraxudicial de crédito para pagar facturas de obras feitas do exercicio anterior, co anterior grupo de goberno do PP,  despois de aprobada a Conta Xeral.

O concello mellora un tramo do Camiño de Inverno no Bañadoiro

Galego

28.09.16.-Esta semana iniciáronse novos traballos para abrir dous viais de terra na zona doa área recreativa do Bañadoiro. O obxectivo é  mellorar o trazado do Camiño de Inverno ao seu paso por este concello.  Dende o consistorio teñen coñecemento do incremento de peregrinos que están usando esta ruta para chegar a Santiago. Con esta obra, que se acaba de iniciar, terán un camiño marcado e reservado para eles. O Concello de Vilamartín aproveitará as obras e tamén construirá un vial para o paseo con bicicletas pola zona. 

Vilamartín abre un novo paso peonil para conectarse con A Rúa

Galego

27.09.16.-  A brigada de obras de Vilamartín está construíndo un tramo de 500 metros de paso peonil para conectar a zona de San Miguel con A Rúa vella á beira da estrada N-536. Este camiño de terra permitirá ter unha zona de paso onde, ata o momento, non existe beirarrúa e que como explica o alcalde, Rique Barreiro “non había por onde pasar a pé,  so pola estrada,  e coa afluencia de peregrinos polo Camiño de Inverno que estamos tendo é perigoso”.

Andaina para vivir a romaría de San Cosme no Robledo

Galego

20.09.16.- A romaría de San Cosme no Robledo, o 25 de setembro, conta dende hai uns anos con asistentes que chegan ao pobo despois de facer unha andaina duns 8 quilómetros dende o centro de Vilamartín. A ruta pasa por lugares de gran beleza paisaxística e elementos etnográficos propios da comarca como os muíños, albares e sequeiros  que chaman a atención dos camiñantes, de feito o trazado coñecese como “ Ruta dos muíños de San Cosme”.

Páxinas

Zircon - This is a contributing Drupal Theme
Design by WeebPal.