Vilamartín seguirá contando cun segundo médico segundo o xerente da área sanitaria

07.09.17.- Vilamartín seguirá tendo dous médicos no seu centro de saúde. Así o afirmou esta mañá o responsable da EOXI (Estrutura Organizativa de Xestión Integrada) Ourense, Verín e Valdeorras, Dionisio Bellido,  nunha reunión no Concello. Dionisio Bellido afirmou que a praza do médico que se acaba de xubilar, Valentín Murciego,  vai continuar activa e incluirase no próximo concurso de prazas médicas. Ata ese momento o responsable da EOXI asegurou ao alcalde e representantes dos grupos políticos da oposición que se seguirán cubrindo esta praza.

O Centro Médico de Vilamartín quedou cun só médico dende agosto e o grupo de goberno, con Rigue Barreiro á fronte, quixo buscar solucións canto antes. Hoxe puideron ter información de primeira man coa reunión celebrada no salón de actos. Un encontro ao que acudiron representantes dos dous grupos da oposición, a médica do centro de saúde en activo, o concelleiro de sanidade, Pablo Deramond e o alcalde, Rique Barreiro. O grupo de goberno agarda que se cumpra o declarado. 

   

 

 

Undefined
Zircon - This is a contributing Drupal Theme
Design by WeebPal.