Asociacións de mulleres de Valdeorras celebraron o Día Internacional da Muller cunha comida en Vilamartin

26.03.17.- O Día Internacional da Muller tivo a súa celebración retrasada en Vilamartín. A Asociación de Mulleres Rurais de Córgomo organizou onte, 25 de marzo, unha comida no restaurante Paladium de Vilamartín na que reuniu a máis de 100 mulleres.  Participaron no evento  46 mulleres da asociación de Córgomo, 10 da de Arcos, 9 de Veigamuiños, 18 de  Éntoma, 20 de Viloira e 8 de A Veiga. Tamén asistiron dúas directivas da Federación de Mulleres Rurais de Ourense FEMURO: a presidenta Mª Isabel Garrido Blanco e a vicepresidenta Elsa Pajarín Picos. Antes de xantar, as asociacións fixeron homenaxes a varias mulleres senlleiras de cada colectivo. No caso da asociación de Córgomo homenaxearon a dúas veciñas: Anita Fernández  e Ofelia Delgado . A xuntanza rematou cun baile amenizado pola charanga Terras do Bibei.

Máis de 100 mulleres reuníronse nun hotel de Vilamartín

 Ofelia e Paquita da Asociación de Córgomo recibiron unha homenaxe

2.000 euros recadados para a campaña de Biopsia Líquida

Dende a Asociación de Mulleres Rurais de Córgomo  recadaron, coa venda de rifas, un total de 2.000 euros para participar na campaña de micromecenazgo para a investigación sobre a biopsia líquida. Un proxecto para mellorar os tratamentos do cancro  que o oncólogo vilamartinés Rafael López presentou a comezos de marzo no Barco.