O tren de Papá Noel percorrerá mañá varios pobos de Vilamartín

23.12.20.- O tren de Papá Noel percorrerá na tarde do día 24 varias localidades deste concello para desexarlle unhas boas festas a todos os veciños. Para manter as normas de seguridade Covid-19 o tren non parará en ningún lugar, nin se poderá manter contacto cos ocupantes. A caravana partirá as catro da tarde e percorrerá as rúas centrais de varios pobos, entre eles o casco urbano,San Miguel, Valdegodos, Córgomo, Portela e Arcos. Ademais de visitar as dúas residencias de anciáns da localidade. Os voluntarios de Protección Civil encabezarán a caravana e farán soar as sereas do coche para anunciar a chegada do tren do Nadal. Aproximadamente tardarase unha media hora entre cada punto de visita, polo tanto a actividade rematarase sobre as sete da tarde.

Galego
Zircon - This is a contributing Drupal Theme
Design by WeebPal.