vilamartin

Vilamartín crea un grupo de axuda ante o Estado de Alarma polo coronavirus

Chama ao 679 84 68 79 se precisas axuda

16.03.20.- O equipo de goberno do Concello de Vilamartín creou un grupo de axuda para facer fronte ás urxencias e necesidades que poidan xurdir nesta alerta sanitaria polo virus Covid-19. Está dirixido a todas aquelas persoas que precisen comprar comida ou medicamentos e non teñan posibilidades para desprazarse. Tamén para axudar ante unha urxencia que xurda. Só teñen que chamar ao: 679 84 68 79.

Undefined

O pleno de Vilamartin reclama unha solución inmediata á estrada do pobo de San Vicente

Pleno celebrado o día 30 de xaneiro (Foto cedida por Susana Prieto)

Na sesión plenaria celebrada o día 30 de xaneiro aprobouse unha moción presentada polo grupo municipal socialista solicitando unha solución para o acceso ao pobo de San Vicente.

Undefined

¡¡Felices festas a todos os veciños de Vilamartin¡¡

Undefined

Dende o Concello de Vilamartín deséxalles unhas boas festas e moita felicidade para o novo ano. ¡¡Felices Festas veciños¡¡

Novos concelleiros en Vilamartín e os seus departamentos

Undefined

04.07.19.- A corporación municipal empezou o seu traballo e constituíuse a través de sesión plenaria celebrada esta semana. Ademais aprobouse a periodicidade dos plenos que serán cada dous meses ás 13:30 horas e fíxose público quen se encargará de cada concellería. A continuación presentamos cada concelleiro do grupo de goberno:

Concellería de Educación, Cultura e Facenda

Unha maqueta a escala de Vilamartín feita de xeito artesán

Undefined

09.05.19.- O voluntario que leva a biblioteca, Amancio Delgado Álvarez, é unha mente inquieta que sempre anda argallando cousas para o noso concello. Nesta ocasión está poñendo en marcha unha maqueta a escala 1:10.000 de todo o concello de Vilamartín. Empezou hai uns meses e aínda ten traballo para moito tempo. O obxectivo é montar unha maqueta que cando estea rematada porá verse a orografía do concello a escala e localizar cada pobo na mesma. A base de todo este traballo artesán é un mapa do instituto xeográfico.

O pleno de Vilamartín deu conta dos traballos realizados en cada concellería no último ano e aprobou unha moción de apoio ao sistema sanitario na comarca

Undefined

15.02.19.- O pleno de Vilamartín aprobou onte por unanimidade unha moción na que se pide a derogación da Lei 8/2008 de Saúde de Galicia. Ademais solicitaron dotar de maiores recursos e persoal aos centros médicos e ao hospital comarcal.  A sesión plenaria extraordinaria tamén fixo repaso aos traballos levados a cabo durante o 2018 en cada concellería. Todos os concelleiros tiveron palabras de agradecemento durante os seus repasos aos voluntarios que aportaron a súa colaboración en varios traballos do concello e en protección civil.

Vilamartín abre o prazo de presentación de solicitudes de axudas por nacemento

Undefined

05.07.18.- A orde pola que se regula a concesión de axudas para os novos nacementos neste concello durante todo o 2018 xa está publicada. Os pais de nenos/as nacidos dende o 1 de xaneiro de 2018, e todos aqueles que nazan ata que acabe o ano, poden solicitar esta axuda nos Servizos Sociais do concello. Alí ofreceranlle toda a información para facer os trámites necesarios.

A II GAES Pilgrim Race, chegará a Vilamartín facendo a ruta do Camiño de Inverno a Santiago en bicicleta

Galego

28.06.2018.- O próximo 1 de xullo comeza en Madrid a segunda Edición da Gaes Pilgrim Race, unha experiencia lúdico-deportiva para percorrer o Camiño de Santiago en bicicleta. Unha aventura, que terá lugar entre os días 1 e o 7 de xullo e na que participarán 170 persoas. Ao noso concello chegará o día 5 de xullo con chegada de ruta, noite e saída ao día seguinte. Este ano entre os participantes estarán a montañeira, Edurne Pasabán entre outros recoñecidos atletas, actores e músicos que suman a esta iniciativa.

Unha delegación xaponesa coñeceu o Camiño de Inverno ao seu paso por Vilamartin

Undefined

01.06.18.-Unha delegación de varias institucións niponas percorreron nestes días o Camiño de Inverno empezando en Ponferrada e chegando a Vilamartín o día 30 de maio. O alcalde, Rique Barreiro, foi o encargado de atendelos ao seu paso pola vila e ensinoulles parte do trazado desta vía de peregrinación polo territorio vilamartinés.

O alcalde de Vilamartín iniciará un encerro no Concello como medida de presión para o arranxo da estrada de San Vicente

Undefined

06.03.18.- A estrada pertencente á Deputación de Ourense leva sufrido nos últimos días graves derrubes que acentúan o estado de ruína no que xa se atopaba. O rexedor leva sete anos tentando buscar unha solución co organismo provincial a un vial que leva case 25 anos de problemas polo mal estado.  Ante a falta de actuacións e dado que o problema se agravou nos últimos días, esta tarde convocouse unha rolda de prensa no pobo de San Vicente no que se anunciaron medidas de presión.

Páxinas

Zircon - This is a contributing Drupal Theme
Design by WeebPal.