08.04.20.- O Concello de Vilamartín continúa co seu traballo de axudar aos veciños durante o Estado de Alarma orixinado pola enfermidade do Coronavirus. Ademais das desinfeccións nas rúas e o servizo do teléfono de axuda para compras e outras necesidades, agora poñen en marcha un servizo orientado aos alumnos do centro escolar Xosé Manuel Folla Respino. Nesta ocasión poñen a disposición do alumnado as impresoras municipais para que poidan facer copias de traballos e contidos escolares.
14.11.19.- O Concello de Vilamartín ten en marcha a convocatoria para a selección de personal laboral temporal a fin de cubrir un posto de limpador/a para o servizo de limpeza das dependencias municipais. O sistema de escolla será mediante o de concurso-oposición e a contratación farase ca modalidade de contrato de duración temporal de interinidade.
02.06.17.- Na sesión plenaria celebrada o día 1 de xuño, a corporación aprobou por unanimidade a adhesión a un convenio coa Deputación para a prestación de asistencia na xestión das instalacións de produción e distribución de augas de consumo humano. O principal obxectivo deste convenio é contar co asesoramento e vixilancia dunha empresa para mellorar a calidade da auga nas estacións depuradoras de Arcos-Valdegodos e Vilamartíncentro.
21.11.16.-Unhas 30 persoas necesitan cada mes deste servizo que na actualidade, e ata fin de ano, está levando a cabo a empresa Alpixendra. No pleno do mes de Outubro o grupo de goberno socialista de Vilamartin aprobou as bases do prego de condicións para contratar este servizo para o ano que ven.