20.09.17.- O Concello de Vilamartín vai ter durante o outono varias obras en marcha en diferentes puntos do municipio. A estrada de Cernego, a mellora do alumeado en Córgomo, o saneamento e abastecemento da Rodeleira, o arranxo de camiños coa motoniveladora da Deputación son algunhas das obras que se afrontarán nos próximos meses de outono. Todas as obras faranse con subvencións de plans provinciais, axudas de eficiencia enerxética e colaboracións coa Deputación de Ourense principalmente.
25.05.17.- A estrada de Cernego leva sufrido numerosos desperfectos dos que se ten que feito cargo ata o de agora o Concello. Estes problemas no vial están provocados polo paso continuo de camións cargados con madeira cortada nos montes da zona. A pesar de que existe unha sinalización onde se indica que non poden transitar con cargas superiores a 5,5 toneladas por eixe non se está a facer caso por parte das empresas madeireiras. Hai coñecemento do paso de camións con cargas superiores a primeiras horas da mañá.
31.01.17.-No verán do ano pasado a brigada de obras do Concello de Vilamartín comezou este proxecto para que os veciños tiveran unha praza ampla onde antes case non había espazo. A primeira parte do traballo consistiu no derrube de casas que estaban en mal estado de conservación. A seguinte fase comezou nos últimos meses do 2016 e consistiu na construción da praza con laxas de pedra que se reutilizaron dos muros lindeiros dos inmobles derrubados. Esta obra puido facerse grazas á colaboración veciñal para o derrube de varias casas.
30.12.16.- O Concello ten en marcha a finalización de obras que empezaron este ano en distintos pobos. Son obras financiadas, todo ou parte, con fondos municipais e que axudan a mellorar os espazos de convivencia dos habitantes de cada pobo. Neste caso a segunda fase das obras no pobo de Cernego e a zona de O Bañadoiro son as que ocupan os últimos días do ano.
Español
Galego
