15.12.20.- Hoxe celebrouse sesión plenaria para a toma de posesión do novo concelleiro, Juan Enrique Guntiñas Roo. O falecemento o mes pasado de José Luís Álvarez provocou unha renovación na lista do Partido Socialista deste concello e no grupo de goberno. A partir de agora o novo edil será o encargado das labores relacionadas con Medio Ambiente e Medio Rural. O anterior responsable destes temas, Gonzalo Quinteiro Delgado pasa a ocuparse das funcións de Sanidade, Asistencia Social e Participación Cidadá.
18.11.20.- O noso concello continúa con casos de coronavirus Covid-19 aparecendo onte un novo positivo que fai subir a 5 os afectados por esta enfermedade. Dende o pasado 22 de outubro que se acadaron os 14 casos foran descendendo ata deixar a este concello en 4 casos dende hai unha semana. Pero no día de onte notificouse dende as autoridades sanitarias que apareceu un novo caso.
26.10.20.- No Concello de Vilamartín vimos tendo casos de coronavirus Covid-19 dende hai unhas semanas e en toda Galicia hai limitación de reunión de máximo 5 persoas. Ante esta situación o goberno central decidiu decretar o estado de alarma que entrou en vigor na tarde do domingo, 25 de outubro, despois de ser publicado no Boletín Oficial do Estado. Este será o segundo estado de alarma dende o primeiro que se activou o pasado 14 de marzo para facer fronte á primeira ola do coronavirus Covid-19. Nesta ocasión búscase limitar o contacto social e a mobilidade nocturna.
08.10.20.- Na sesión plenaria do mes de setembro, un dos puntos da orde do día, foi a adxudicación de nomes a viais que non tiñan ata agora nomenclatura e tamén se propuxeron cambios para outras. As zonas nas que se fixeron as modificacións foron no núcleo urbano de Vilamartín, no pobo de Córgomo e tamén no de Valdegodos. Entre as novas denominacións está a homenaxe a un alcalde da vila fusilado no ano 1936: Augusto Sierra Rodríguez. Esta nova rúa estará na localidade de Valdegodos, un tramo da estrada que conecta esta localidade con Córgomo.
10.10.19.- A Deputación de Ourense comunica nun escrito que as obras do novo acceso ao pobo de San Vicente non poderán empezar antes do primeiro trimestre do ano 2021. A explicación está na serie de trámites que están en marcha dende este ano e que non rematarán antes desa data. Entre eles están as expropiacións, notificacións, recursos e redacción de proxecto. Toda esta información foi aportada dende o organismo provincial ao grupo provincial socialista que pediu información sobre o estado das expropiacións para a construción do acceso a San Vicente.
31.05.19.- O Albergue Municipal de Peregrinos situado na área recreativa do Bañadoiro conta xa con novo número de teléfono para atender aos peregrinos. O teléfono ao que se pode chamar é o 679 846879. Ademais hai un número de teléfono para emerxencias e fora do horario de apertura que é o 689 997 443.
Fotos do exterior e interior do albergue municipal no Bañadoiro:
29.04.19.- O Concello habilitou un novo espazo no Bañadoiro para poder xogar á petanca. A semana pasada inagurouse o campo cun primeiro encontro onde participaron xente de Vilamartín, O Barco e A Rúa. Agora está dispoñible para todo aquel que queira disfrutar do xogo da petanca e do entorno do Bañadoiro.
06.03.17.- A Concellería de Deportes, con Eva Arias como responsable, dotou de novo material deportivo ao Centro Santa Lucía. O novo equipamento son 25 balóns de pilates, estantes para gardalos, 30 esterillas e tamén o seu soporte. Todo este material pódese usar para todas as actividades que se realizan neste edificio, tanto para adultos como para os cativos nas épocas do Vilaverán e Vilanadal.
27.09.16.- A brigada de obras de Vilamartín está construíndo un tramo de 500 metros de paso peonil para conectar a zona de San Miguel con A Rúa vella á beira da estrada N-536. Este camiño de terra permitirá ter unha zona de paso onde, ata o momento, non existe beirarrúa e que como explica o alcalde, Rique Barreiro “non había por onde pasar a pé, so pola estrada, e coa afluencia de peregrinos polo Camiño de Inverno que estamos tendo é perigoso”.
Español
Galego
