A primeira semana deste mes de marzo dedicarémola a varias actividades para celebrar o 8 de Marzo, o Día da Muller Traballadora. Todas elas farémolas en colaboración coa Plataforma Mulleres de Valdeorras. Empezaremos o mércores día 4 cunha conferencia debate sobre a "A Igualdade da Muller no Século XXI" no Centro Santa Lucía ás 18 horas. O venres, día 6, ás 12 horas faremos diante do concello a lectura do Manifesto 8M e durante a fin de semana haberá cine no Santa Lucía o sábado coa proxección da película "Casa de Bonecas" e o domingo marcharemos de romería ata San Miguel de Outeiro.