O Concello analizou as augas de 20 fontes públicas das que máis da metade non é apta para o consumo

25.08.16.-A Concellería de Sanidade de Vilamartín encargou unha analise microbiolóxica de 20 fontes de uso público no territorio deste concello para coñecer o seu estado. A analítica realizouse o pasado 8 de agosto e agora coñécense os resultados nos que se constata que en 11 delas a auga non é apta para o consumo e no resto non contan con suficientes garantías sanitarias. Esta analítica só ten un valor orientativo e só serve para dar unhas recomendacións xerais que os veciños consumidores desas augas deben valorar.

No estudo quíxose saber si existía contaminación microbiolóxica por tres tipos de elementos: Enterococos, E.Coli e Coliformes totais. Nas 11 fontes que se declaran non aptas para o consumo, os niveis destes tres elementos sobrepasaban en moito o permitido polos baremos sanitarios. Nas fontes nas que non se reúnen as suficientes garantías sanitarias atopáronse sobre todo contaminación por elementos Coliformes totais.

Dende o concello indican que van colocar unha serie de placas informativas para que os veciños saiban o estado das augas en cada punto analizado. De todas formas lembran que as augas foron recollidas para análise nun día en concreto, o pasado 8 de agosto, polo que en calquera outro momento, despois desta data, poden sufrir variacións. O Concelleiro de Sanidade, Pablo Deramond, lembra que unha fonte “sen un sistema de control sanitario nunca se poderá dar como apta para o consumo humano”. Dende a concellería lembran que hai máis fontes sen analizar e outras como a de Baxeles “nas que xa se encargou o pobo de facer a análise” e está dentro das de “sen garantías sanitarias”.Pablo Deramond pide aos veciños que ante calquera dúbida se poñan en contacto coa súa concellería.

             

       

            Fontes de AUGA NON APTA PARA O CONSUMO HUMANO:

 

Arcos: Fonte da Praza                             coord. (UTM): 42º41`36”N; 7º03`11”O

Portela: Fonte fondo do lugar                 coord. (UTM): 42º43`00”N; 7º02`66”O

Portela: Fonte da estrada                        coord. (UTM): 42º43`21”N; 7º02`56”O

O Mazo: Fonte                                       coord. (UTM): 42º42`44”N; 7º04`98”O

Cernego: Fonte Praza                            coord. (UTM): 42º44`11”N; 7º07`39”O

Vilamartín: Fonte Os Cregos                  coord. (UTM): 42º41`62”N; 7º06`19”O

Correxais: Fonte Praza entrada             coord. (UTM): 42º39`91”N; 7º05`92”O

Correxais: Fonte no medio pobo           coord. (UTM): 42º39`88”N; 7º05`95”O

Penouta: Fonte Cemiterio                      coord. (UTM): 42º40`70”N; 7º05`36”O

Arnado: Fonte Praza                              coord. (UTM): 42º40`77”N; 7º02`57”O

San Miguel: Fonte lavadeiro Arriba        coord. (UTM): 42º40`65”N; 7º08`05”O

 

          

Fontes de AUGA SEN GARANTIAS SANITARIAS

 

Córgomo: Fonte Praza                           coord. (UTM): 42º42`62”N; 7º03`46”O

San Vicente: Fonte Barrio Abaixo           coord. (UTM): 42º45`19”N; 7º05`95”O

San Vicente: Fonte Barrio Arriba            coord. (UTM): Sen constatar

San Vicente: Fonte Barrio Arriba NC       coord. (UTM): 42º45`29”N; 7º06`33”O

Vilamartín: Fonte Eirexa                        coord. (UTM): 42º41`55”N; 7º05`93”O

Vilamartín: Fonte A Penela                    coord. (UTM): 42º41`57”N; 7º06`15”O

San Miguel: Fonte entrada pobo           coord. (UTM): 42º40`67”N; 7º07`83”O

Valencia do Sil: Fonte Lavad Antigo      coord. (UTM): 42º40`22”N; 7º07`44”O

Valencia do Sil: Fonte Lavad Praza       coord. (UTM): 42º40`20”N; 7º07`54”O

 

Galego
Zircon - This is a contributing Drupal Theme
Design by WeebPal.