15.11.19.-O Proxecto As letras de Florencio ten marcha varias actividades nestes días, entre elas un ciclo de conferencias do que a primeira charla farase hoxe en Córgomo. O Concello de Vilamartín forma parte como socio desta entidade que busca dar visibilidade na comarca á obra de Florencio Delgado Gurriarán e solicitar para el un Día das Letras Galegas. O programa de actividades da comezo hoxe en Córgomo na Adega D'Berna ás 20:30 horas.
24.01.19.- O Presidente da Confederación Hidrográfica do Miño-Sil, José Antonio Quiroga Díaz, visitou onte o Concello de Vilamartín para coñecer de primeira man a situación das augas residuais na zona de Arcos e arredores. O presidente comprometeuse a poñer en marcha un informe técnico para saber que tipo de sistema de depuración se debe instalar na zona para que sexa efectivo. A inversión económica será distinta dependendo das necesidades de depuración.
12.11.18.- O Proxecto As Letras de Florencio do que forma parte este concello, pon en marcha unha serie de conferencias e actividades en torno á figura do poeta. Trátase do derradeiro acto do ano para o gran público e haberá actividades na Rúa, no Barco e en Córgomo (Vilamartín).
14.09.18.- Obras en dous pobos do concello, San Vicente e Córgomo, así como o arranxo dun vial de comunicación foron os destinatarios dos fondos do remanente de tesoureira. Uns fondos propios que tamén deron para os arranxos das instalacións da piscina, como xa se relatou noutra información desta web municipal. Na Praza do Fondo do Enxortedo e no muro de contención da igrexa en San Vicente investíronse 15.500 euros.
03.09.18.- Dende a Asociación do GDR 17 Valdeorras organizan un curso de cociña dende o día 10 ao 14 de setembro no local da Asociación de Mulleres de Córgomo. Poden anotarse nas dependencias do noso concello e tamén na Casa Grande de Viloira nas oficinas da sede do GDR17 Valdeorrras.
17.11.17.- Hai uns meses púxose en marcha un proxecto cultural na comarca de Valdeorras para demandar o Día das Letras Galegas 2018 para o poeta de Vilamartín, Florencio Delgado Gurriarán. Este movemento cultural, integrado por xente dos concellos de toda a comarca de Valdeorras e o IEV (Instituto de Estudios Valdeorreses) conta con varias actividades de promoción e entre elas está a creación dunha Irmandade de Florencio.
20.09.17.- O Concello de Vilamartín vai ter durante o outono varias obras en marcha en diferentes puntos do municipio. A estrada de Cernego, a mellora do alumeado en Córgomo, o saneamento e abastecemento da Rodeleira, o arranxo de camiños coa motoniveladora da Deputación son algunhas das obras que se afrontarán nos próximos meses de outono. Todas as obras faranse con subvencións de plans provinciais, axudas de eficiencia enerxética e colaboracións coa Deputación de Ourense principalmente.
16.03.17.- A brigada municipal de Vilamartín procedeu esta mañá a comezar o arranxo das fochancas da estrada que une Córgomo e Portela. Empezaron dende a zona do cruce co acceso ás Gralleiras en dirección ao cemiterio. Este é un dos traballos de reparación das estradas do municipio que están levando a cabo nos últimos meses. Xa se fixeron arranxos nas vías de Cernego e Valdegodos e agora continúan nesta de Córgomo.
02.03.17.-A Asociación Mulleres Rurais de Córgomo están poñendo en marcha unha campaña para recadar fondos para axudar a levar a adiante o proxecto de Biopsia líquida unha técnica experimental que permite saber en 24 horas, e cunha análise de sangue, o estado no que se atopa un tumor.
24.02.17.- A ampliación da estrada de Valdegodos a Córgomo formaba parte dos obxectivos do programa socialista e agora están cumprindo o prometido. O alcalde, Rique Barreiro, explica que por esa zona pasea moita xente e “había momentos nos que os peóns tiñan que meterse no monte e o mesmo pasaba para cruzarse dous coches, polo que esta obra era moi importante facela”.
Español
Galego
