Este venres teremos obra de teatro infantil con monicreques. A actuación farase no Centro Social Santa Lucía ás 17,30 horas. Para poder asistir teñen que facer reserva previa chamando ao concello no teléfono 988 30 00 01. A entrada é gratuita pero é obrigatorio facer a reserva como medida de prevención da transmisión da Covid-19.
02.11.20.- Este ano a carreira para recaudar fondos para a loita contra o cancro de páncreas será virtual. A coñecida como "Carreira das Cidades" busca continuar coa recaudación dun xeito distinto debido á situación pola Covid-19. Os interesados teñen que inscribirse na web www.carreracancerpancreas.es e despois participar do 19 ao 22 deste mes de novembro. Os fondos que se recaudan na Carrera das Cidades son destinados a becas para a investigación do cancro de páncreas.
10.10.18.-O Grupo de Teatro Xaime Prada levará a súa obra “Falando de Cartos” á vila de Verín esta fin de semana. A cita co público desta localidade será o sábado día 13 pola tarde, no Auditorio de Verín. A formación vilamartinesa está dándolle os últimos retoques con ensaios durante a semana. Con esta mesma obra lograron a súa primeira actuación no Teatro Lauro Olmo do Barco e tiveron un gran éxito entre o público.
11.09.18.- Este xoves celebrarase unha reunión na Casa do Concello para a planificación das actividades deportivas anuais. Dende a Concellería de Deportes solicitan a asistencia de pais,nais e nenos interesados para poder programar o calendario de actividades que se imparten todos os anos dende o concello.
A reunión será este xoves, día 13 de setembro, ás 19:30 horas na Casa do Concello.
12.04.18.- O Concello de Vilamartín aprobou esta tarde os orzamentos para o ano 2018 nun pleno extraordinario. Unhas contas que ascenden a algo máis dun millón e medio de euros e nas que o grupo de goberno socialista “procurou facer contención de gasto sen merma de servizos” tal e como explicou o alcalde, Rique Barreiro. O presuposto foi aprobado cos votos a favor dos socialistas e a abstención do concelleiro da oposición, José Pinto.
Galego
Español
