27.11.20.- A sesión plenaria do mes de novembro empezou cun minuto de silencio polo recentemente falecido, José Luís Álvarez Álvarez, tenente de alcalde deste concello. Ademais o rexedor, Rique Barreiro leu unhas palabras de lembranza do compañeiro de grupo de goberno.
15.02.19.- O pleno de Vilamartín aprobou onte por unanimidade unha moción na que se pide a derogación da Lei 8/2008 de Saúde de Galicia. Ademais solicitaron dotar de maiores recursos e persoal aos centros médicos e ao hospital comarcal. A sesión plenaria extraordinaria tamén fixo repaso aos traballos levados a cabo durante o 2018 en cada concellería. Todos os concelleiros tiveron palabras de agradecemento durante os seus repasos aos voluntarios que aportaron a súa colaboración en varios traballos do concello e en protección civil.