01.02.19.- Os traballos de embelecemento que se poderán facer con unha liña de subvencións que pon en marcha Turismo de Galicia van encamiñados a entender o Camiño de Inverno como un escaparate dos recursos turísticos que ten cada concello polo que pasa.
14.12.18.- Os membros da Asociación de Municipios polos que transcorre o Camiño de Inverno reuníronse esta semana en Ferreira de Pantón e adoptaron unha serie de acordos. Entre eles o de dedicar un día ao ano á promoción do camiño en cada unha das comarcas polas que pasa. O ano que ven empezarase polo Bierzo por ser onde empeza esta ruta. Nese día promocional faranse charlas, exposicións e outras actividades aínda por acordar. Tamén pensan en facer un recoñecemento a algún persoeiro famoso que estea relacionado co camiño.
28.06.2018.- O próximo 1 de xullo comeza en Madrid a segunda Edición da Gaes Pilgrim Race, unha experiencia lúdico-deportiva para percorrer o Camiño de Santiago en bicicleta. Unha aventura, que terá lugar entre os días 1 e o 7 de xullo e na que participarán 170 persoas. Ao noso concello chegará o día 5 de xullo con chegada de ruta, noite e saída ao día seguinte. Este ano entre os participantes estarán a montañeira, Edurne Pasabán entre outros recoñecidos atletas, actores e músicos que suman a esta iniciativa.
01.06.18.-Unha delegación de varias institucións niponas percorreron nestes días o Camiño de Inverno empezando en Ponferrada e chegando a Vilamartín o día 30 de maio. O alcalde, Rique Barreiro, foi o encargado de atendelos ao seu paso pola vila e ensinoulles parte do trazado desta vía de peregrinación polo territorio vilamartinés.
Esta semana estamos a piques de celebrar o San Xurxo na nosa vila. Isidro García Tato tivo a ben escribir unha gran información sobre o Camiño de Inverno para o programa de festas e queremos facelo público na nosa web porque no programa non puido entrar por causas alleas á comisión de festas.
27.02.18.- O artista berciano Lolo Zapico ten unha exposición onde as temáticas rurais e a súa relación co Camiño de Inverno son as protagonistas. Este traballo que xa estivo exposto no Castelo de Cornatel e no Museo da Enerxía de Ponferrada, chega agora á Vilamartín para quedarse dous meses. É unha actividade organizada coa colaboración do Concello de Vilamartín e a Asociación de Concellos do Camiño de Inverno.
02.02.18.- O Concello de Vilamartín, que ocupa a vicepresidencia da Asociación de Concellos do Camiño de Inverno, recibiu esta semana ao resto de socios para continuar na montaxe desta nova entidade. Na reunión, celebrada o luns 26 de xaneiro, estiveron presentes alcaldes e representantes de 19 dos 23 concellos asociados entre Galicia e o Bierzo.
17.01.18.- Hoxe na Feira de turismo Fitur en Madrid houbo un acto de promoción do Camiño de Inverno onde estiveron presentes alcaldes da recentemente constituída Asociación de Concellos do Camiño de Santiago. O Concello de Ponferrada decidiu dedicar unha parte do seu stand promocional ao Camiño de Inverno para que todos os visitantes teñan a oportunidade de coñecelo nesta feira internacional de turismo.
20.07.17.- Mañá venres, día 21, o Concello de Vilamartín acollerá a chegada da sétima etapa da proba deportiva en bicicleta de montaña, Gaes Pilgrim Race. Esta actividade partía o domingo, 16 de xullo, dende Madrid e durante esta semana percorreron unha gran parte dos 725 quilómetros por rutas marcadas seguindo Camiños de Peregrinación que repartiron en 8 etapas. A sexta etapa percorrerá parte do Camiño Francés e entrará en Galicia polo Camiño de Inverno.
23.10.16.- A comarca de Valdeorras e o Concello de Vilamartín foron protagonistas este sábado, día 22, da III etapa do Camiño de Inverno que organizou a Asociación del Camino de Invierno a Santiago por el Bierzo. A III etapa desta particular peregrinación, para promover esta ruta xacobea, realizouse entre a localidade de Puente de Domingo Flórez e Vilamartín.
Español
Galego
