25.09.17.- O Concello de Vilamartín tentando interpretar o sentimento de solidariedade e compromiso dos veciños procedeu a instalar unha hidroestufa de pellets nunha vivenda de propiedade municipal destinada a persoas desfavorecidas.
O proxecto está feito a través da concesión dunha axuda do INEGA - XUNTA DE GALICIA para a realización de proxectos de equipamentos técnicos de biomasa para ano 2017. A subvención cofinanciada polo fondo Europeo de Desenvolvemento rexional, no marco do programa operativo FEDER Galicia 2014-2020, foi de 3.281,47 euros dun investimento total de 4.544,41 €.
Desta maneira conséguese o obxectivo de proporcionar unha vivenda digna e con calefacción para as familias que destine o estado e que xestiona a Cruz Vermella.
.jpg)
Galego
Español
