Concello

O alcalde de Vilamartín iniciará un encerro no Concello como medida de presión para o arranxo da estrada de San Vicente

Undefined

06.03.18.- A estrada pertencente á Deputación de Ourense leva sufrido nos últimos días graves derrubes que acentúan o estado de ruína no que xa se atopaba. O rexedor leva sete anos tentando buscar unha solución co organismo provincial a un vial que leva case 25 anos de problemas polo mal estado.  Ante a falta de actuacións e dado que o problema se agravou nos últimos días, esta tarde convocouse unha rolda de prensa no pobo de San Vicente no que se anunciaron medidas de presión.

A demanda de vivenda con terreo aumenta en todo o concello

Undefined

12.02.18.- O programa de intermediación para a creación dunha lista de casas en alugueiro e  venda no municipio está aberto a todos aqueles que queiran facilitar que persoas interesadas en vivir no noso Concello poidan facelo.

O Concello lembra que os danos ocasionados por árbores caídas na vía pública de fincas privadas son responsabilidade dos seus donos

Undefined
10.01.18.- O Concello lembra a normativa pola que os propietarios son responsables dos danos que poidan ocasionar as árbores que se rompan ou caian e causen danos na vía pública. Esta semana deuse ese caso na Praza Cerdeirais onde dous coches resultaron danados pola caída de árbores. Neste caso o propietario da finca terá que facerse cargo dos danos ocasionados. O grupo de goberno colocou o ano pasado varios carteis polas beirarrúas explicando esta normativa para que puidera chegar ao maior número de persoas.

O Concello asume as obras dunha nova captación de augas de urxencia para Valdegodos

Undefined

02.11.17.- A seca deste ano está deixando sen auga a captación de Abelaído e o bombeo dende o río Leira para a zona de Valdegodos xera grandes custes en electricidade. Ante esta situación o goberno de Rique Barreiro solicitou un permiso de urxencia á Confederación Hidrogáfica Miño-Sil  para poder iniciar unha nova captación no río Farelos ao seu paso por Córgomo. As autorizacións xa están concedidas e dende a semana pasada xa se iniciaron as obras de colocación da tubaxe na veciña localidade de Córgomo.

O Concello acelera a cesión do edificio do Centro de Saúde a Sanidade para aforrar custes e cumprir a normativa galega

Galego

03.10.17.- A corporación de Vilamartin celebrou a sesión plenaria do mes de setembro con sete puntos na orde do día. Entre eles o traspaso da titularidade do edificio do Centro de Saúde á Consellería de Sanidade,  a adhesión á central de contratación da Federación de Municipios e Provincias (F.E.M.P) e unha moción do grupo municipal socialista solicitando a retirada do anteproxecto da modificación da Lei de Saúde de Galicia.

Cesión da titularidade do edificio do Centro de Saúde

A Deputación colaborará para mellorar varias infraestruturas no Concello

Undefined

06.07.17.- O financiamento para o arranxo da estrada de San Vicente, a obra de saneamento feita en Surregos, a praza de Cernego e o arranxo das estradas de Correxais e Cernego  foron os temas relacionados con infraestruturas dos que se falaron na entrevista que onte mantivo o alcalde, Rique Barreiro co presidente da Deputación, Manuel Baltar. O rexedor destaca sobre  todo a boa dispoñibilidade e a apertura a colaborar por parte do dirixente desta entidade provincial para mellorar varias infraestruturas de Vilamartín.

O Concello mellorará o servizo de auga de consumo en Arcos, Valdegodos e Vilamartín centro

Galego

02.06.17.- Na sesión plenaria celebrada o día 1 de xuño,  a corporación aprobou por unanimidade a adhesión a  un convenio coa Deputación para a prestación de asistencia na xestión das instalacións de produción e distribución de augas de consumo humano.  O principal obxectivo deste convenio é contar co asesoramento e vixilancia dunha empresa para mellorar a calidade da auga nas estacións depuradoras de Arcos-Valdegodos e Vilamartín centro.

O Concello prohibe o paso aos camións e vehículos pesados pola estrada de Cernego

Galego

25.05.17.- A estrada de Cernego leva sufrido numerosos desperfectos dos que se ten que feito cargo ata o de agora o Concello. Estes  problemas  no vial están provocados polo paso continuo de camións cargados con madeira cortada nos montes da zona. A pesar de que existe unha sinalización onde se indica que non poden transitar con cargas superiores a 5,5 toneladas por eixe non se está a facer caso por parte das empresas madeireiras. Hai coñecemento do paso de camións con cargas superiores a primeiras horas da mañá.

O Concello cede unha vivenda á Cruz Vermella para a atención de persoas refuxiadas

Galego

09.05.17.-O Concello de Vilamartín de Valdeorras acolleu onte pola tarde a sinatura dun convenio de colaboración  polo que se pon a disposición de Cruz Vermella unha vivenda nesta localidade para a atención de persoas refuxiadas ou solicitantes de asilo.

O Concello de Vilamartín aproba 1,539.130 euros de orzamento para o ano 2017

Undefined

30.03.17.-  Esta tarde o Concello de Vilamartín celebrou unha sesión plenaria na que se aprobaron os orzamentos para o ano 2017. A cantidade total ascende a pouco máis de millón e medio de euros, unha cifra similar a do ano pasado.

Páxinas

Zircon - This is a contributing Drupal Theme
Design by WeebPal.